Беларусы Італіі зладзілі ў Фларэнцыі Купалле. Свята сабрала некалькі дзясяткаў чалавек.
Як гэта адбывалася, распавядае народная амбасадарка Беларусі ў Італіі Юлія Юхно:
– Гэта была такая спантанная ідэя насамрэч. Я напісала дзяўчыне з музычнага гурта “Крыві” і прапанавала ім прыехаць да нас на Купалле. Мы доўга выбіралі дату, з цягам часу, так атрымалася, што ўжо 6-7 не атрымлівалася ў іх, раней на два тыдні 21-га таксама. Мы вырашылі рабіць 13-14, бо няма вялікай розніцы насамрэч.
Па яе словах, арганізатары сабралі на мерапрыемстве беларусаў з розных частак Італіі:
– Было каля 30-ці чалавек. Я думаю, што гэта такі нядрэнны вынік.
Купалле ў Італіі атрымала свой працяг, на наступны дзень пасля яго, адбылася прэзентацыя кнігі Вольгі Вялічкі, а Ірына Новік арганізавала майстар-клас па пляценні саламяных павукоў.
Беларускае Радыё Рацыя
