23 красавіка ўрад Латвіі можа прыняць рашэнне аб паступовай адмове ад рускай мовы як другой замежнай у школе, піша Delfi.
На дадзены момант першай замежнай мовай у латвійскіх школах з’яўляецца ангельская — яе вучаць з 1-га класа. Другую замежную пачынаюць вучыць з канца пачатковай школы. Як піша выданне, дзеці могуць выбраць нямецкую, французскую ці любую іншую мову, але часцей за ўсё выкладаецца руская, паколькі ў школах не хапае настаўнікаў іншых моў. У выніку расейская мова вывучаецца як другая замежная амаль у палове латвійскіх школ. У некаторых навучальных установах альтэрнатывы ёй не прапануецца.
