Будаўніцтва плота на мяжы Латвіі з Беларуссю плануецца завяршыць да канца 2023 года, піша выданне infomigrants.net. Даўжыня латвійска-беларускай мяжы складае 172 кіламетры.
Такім чынам Латвія стане апошняй еўрапейскай суседкай Беларусі, якая адгародзіцца плотам. Яшчэ ў жніўні 2022 года пра завяршэнне будавання падобных загарод заявіла Літва, яшчэ на месяц раней плотам ад Беларусі адгарадзілася Польшча. Нагодай для будавання такіх загародаў стаў міграцыйны крызіс, які разгарнуўся на мяжы Беларусі і ЕС у 2021 годзе.
