Лекцыя Вольгі Сямашкі пра могілкі беларусаў Падляшша, якая была запланавана на гэты панядзелак, пераносіцца на 13 мая (аўторак).
На сустрэчу запрашае арганізатар і даследчыца Таццяна Калач:
– Лекцыя, якую правядзе Вольга Сямашка, будзе прысвечана грамадскай ініцыятыве па захаванні могілак беларускіх дзеячаў. Беларусаў тут шмат, некаторых з іх не ведаюць, а гэта былі даволі значныя людзі, і яны імі застаюцца нават пасля смерці, таму варта ведаць не толькі беларусам, але і палякам.
Падчас лекцыі будуць прадстаўлены вынікі працы над кнігай “Могілкі беларусаў Падляшша”, якая рыхтуецца да выхаду ў друк. Важнасць гэтай сустрэчы падкрэслівае краязнаўца Аляксей Трубкін:
– У гэтым годзе з’явіцца кніга “Беларускія могілкі Падляшша” аўтарства Вольгі Сямашкі, якая зрабіла найбольшы ўклад у нашым праекце. Гэта будзе чарговы працяг нашай супольнай працы. Будуць з’яўляцца такія публікацыі.
Лекцыя адбудзецца ў Chill Time Club на вуліцы Św. Rocha 5, памяшканне 32 ў Беластоку. Пачатак — а 18-й гадзіне. Уваход — вольны. Мерапрыемства арганізавана ў рамках выставачнага праекта «Радуніца».
Беларускае Радыё Рацыя
Фота Таццяны Калач
