Мустафа Джэмілеў наведаў Крушыняны. Лідар крымскіх татараў, дэпутат Вярхоўнай Рады Украіны сустрэўся у Крушынянах з польскімі татарамі і прадстаўнікамі ваяводскай улады.
У пятніцу, 12 ліпеня, польскі Сейм прыняў пастанову пра ўшанаванне памяці ахвяраў генацыду крымскіх татараў. Пастанова падкрэслівае, што «дэпартацыя крымскіх татар з Крыма ў 1944 годзе і яе наступствы з’яўляюцца актам генацыду крымска-татарскага народа».
Мустафа Джэмілеў на зямлі польскіх татараў падзякаваў Польшчы за салідарнасць.
– Гэта вельмі сімвалічна для нас, бо мы не толькі маем гістарычны дакумент. Мы хацелі таксама зрабіць візіт да нашых супляменнікаў, якія тут жывуць. Хацелі патрапіць на Падляшша і мець непасрэдны кантакт у той самы дзень, калі польскія ўлады прызналі генацыд супраць крымскіх татараў.
У Крушынянах Павел Коваль падкрэсліў, што Польшча не прызнае гвалтоўных зменаў межаў і захопу ўкраінскіх тэрыторый Расеяй у 2014 годзе.
Сёлета спаўняецца 80 гадоў з дня дэпартацыі крымскіх татараў.
Уля Шубзда, Беларускае Радыё Рацыя
