Літоўскія памежнікі распавялі 26 студзеня, што за дзень тройчы вылоўлівалі з Нёмана замаскіраваныя пад крыгі плыты з беларускімі цыгарэтамі і GPS-трэкерамі.
Фота: Vsat.lrv.lt
Па словах памежнікаў «улоў» за адзін толькі дзень склаў 3080 пачкаў на суму каля 13 тысяч эўра.
Гэтыя «плыты-крыгі» высокатэхналагічныя: цыгарэты не проста загорнуты ў поліэтылен і прысыпаны снегам і лёдам. Канструкцыя мае таксама прымацаваны GPS-трэкер і бетонны блок для рэгулявання плавучасці.
У 2023 годзе ў Літве перахапілі кантрабандныя цыгарэты на суму больш за 51,3 млн еўра.
