Колішні прэм’ер-міністр Літвы, лідар дэмакратычнага саюзу «У імя Літвы» Саўлюс Скверняліс заявіў аб неабходнасці падрыхтоўкі літоўскіх уладаў да таго, што не змогуць вярнуць перавозчыкам затрыманыя ў Беларусі грузавікі. Як паведаміла выданне delfi.lt, урад павінен разгледзець магчымасць выплаты кампенсацыі перавозчыкам за рахунак замарожаных беларускіх актываў, сярод якіх — санаторый «Беларусь» у Друскеніках. Цытата:
«Трэба правесці інвентарызацыю, высветліць, колькі цягачоў знаходзіцца ў закладніках, паколькі сітуацыя насамрэч не такая, як нам пра яе паведамляюць».
Скверняліс мяркуе, што магчыма ініцыяваць адпаведныя юрыдычныя працэдуры, у тым ліку зрабіць ацэнку вартасці маёмасці і яе пералік. «Калі цягачы канфіскуюць, адпаведна асіметрычныя меры ўхваляць і ў Літве. Іншы бок павінен гэта зразумець», — перакананы палітык.
Беларускае Радыё Рацыя
