Літва праверыць 18 тысяч беларусаў, якія атрымалі від на жыхарства ў Літве да ўвядзення спецыяльных анкет у лістападзе 2022 года. Пра гэта заявіла кіраўніца Дэпартамента па міграцыі Эвеліна Гудзінскайтэ.
Нагадаем, з лістапада 2022 года грамадзяне Беларусі і Расеі запаўняюць спецыяльную анкету, у якой яны павінны пазначыць сваё стаўленне да вайны ва Украіне, а таксама пазначыць некаторую іншую інфармацыю. З моманту з’яўлення гэтай анкеты 1 644 грамадзяніна Беларусі і 397 грамадзян Расеі былі прызнаны пагрозай нацыянальнай бяспецы. Калі праверка выявіць, што асоба можа ўяўляць такую пагрозу, то яе пазбавяць віду на жыхарства ў Літве.
Беларускае Радыё Рацыя
