У кастрычніку Літва спыніла 275 спробаў незаконнага пераходу мяжы, вынікае з праведзенага «Позіркам» аналізу звестак памежнай службы.
Прычым, амаль палова спробаў зафіксавана за апошнія пяць дзён месяца — пасля таго як Літва закрыла мяжу з Беларуссю. А 31 кастрычніка была рэкордная сутачная колькасць спробаў за тры гады — 63.
Агулам за мінулы месяц суседнія краіны Еўразвязу зафіксавалі 3271 спробу незаконнага пераходу мяжы з Беларусі — крыху менш, чым у верасні.
