Маршалак Падляшскага ваяводства Лукаш Пракорым абверг інфармацыю пра тое, што еўрапейскія фонды для Ломжы, Сувалак і Сакольскага павету могуць быць заблакаваныя праз адмоўную пазіцыю гэтых самакіраванняў адносна стварэння Цэнтраў Інтэграцыі Імігрантаў (СІС).
Кажа Лукаш Пракорым:
-Гэтая інфармацыя не адпавядае рэчаіснасці. Усе сродкі, якія павінны быць перададзеныя гарадам Ломжа, Сувалкі і Сакольскаму павету будуць перададзены ў найбліжэйшыя тыдні.
Гэтая заява прагучала перад пазачарговай сесіяй Сейміка Падляшскага ваяводства, якая распачне працу ў панядзелак, 12 траўня, а 18-й гадзіне. Сесія будзе прысвечана разгляду праекта заявы аб супраціве «міграцыйнаму пакту» Еўразвяза, падрыхтаванай клубам PiS.
Цалкам матэрыял:
Беларускае Радыё Рацыя
