У Кнышынскай пушчы летам 2025 году знойдзены скарб XVII стагоддзя: амаль 70 срэбных манет і адзін залаты дукат.
«З пачатку верасня гэтыя ўнікальныя артэфакты можна ўбачыць у Падляшскім музеі ў Беластоку,» – пра гэтую ўнікальную знаходку распавёў дырэктар Падляшскага музея Вальдэмар Вільчэўскі:
-Мы падкрэсліваем той факт, што гэта было знойдзена падчас легальных пошукаў. Было задзейнічана Упраўленне па ахове помнікаў і прафесіянальныя археолагі Падляшскага музея.
Па словах Губерта Лепёнкі, ад’юнкта ў аддзеле археалогіі Падляшскага музея, гэты скарб унікальны, бо ў ім ёсць залатая манета:
-Такога тыпу скарбы былі знойдзены на тэрыторыі Падляшскага ваяводства. Ведаем скарбы з Аўгустова, з Заблудова. Але скарб з залатой манетай, знойдзены падчас леагальных пошукаў, першы.
Музейныя супрацоўнікі лічаць, што «гэтыя манеты — сведкі мінулага, яны дапамагаюць нам лепш зразумець гісторыю Падляшша і яго месца ў Еўропе XVII стагоддзя».
Цалкам матэрыял:
Беларускае Радыё Рацыя
