У Сеймік Падляшскага ваяводства з падтрымкай беларускіх арганізацый са спісу Грамадзянскай Кааліцыі стартуе двое беларусаў – гэта дырэктар Агульнаадукацыйнага ліцэя з беларускай мовай навучання ў Гайнаўцы Ігар Лукашук і дырэктар і стваральнік Праваслаўнага асяродка міласэрнасці “Элеос” Марэк Масальскі.
Гаворыць Марэк Масальскі:
-Імкнуцца рабіць рэчы, якія будуць падтрымліваць асяродак нацыянальных меншасцяў, галоўнае – беларускай, але таксама ўкраінскай, якая функцыянуе ў нашым горадзе. І, зразумела, падтрымліваць праваслаўны асяродак. Бо я з’яўляюся дырэктарам Праваслаўнага асяродка міласэрнасці. І гэтыя праблемы мне блізкія. А таксама справы агульна-сацыяльныя, эканамічнае развіццё нашага ваяводства, падтрымка прадпрымальнікаў, пытанне дарог, у прыватнасці, дарогі S19.
Жыхары Беластока змогуць галасаваць за кандыдатаў, якія абяцаюць бараніць правы беларускага праваслаўнага насельніцтва – Марка Масальскага, а таксама за Славаміра Назарука, якога знойдзем у спісах “Права і справядлівасці”. Жыхары Гайнаўшчыны і Бельшчыны змогуць аддаць голас за Ігара Лукашука.
Выбары ў мясцовае самакіраванне пройдуць 7 красавіка.
Валя Лаеўская, Беларускае Радыё Рацыя
