У Старым Ляўкове на Гайнаўшчыне працягваецца мастацкі пленэр. Мастакі не толькі малююць карціны, але і знаёмяцца з гэтым куточкам Падляшша. А ўдзельнікі пленэру, якія паходзяць з гэтых мясцін, выступаюць у якасці экскурсаводаў.
Кажа мастак Міраслаў Здрайкоўскі:
– Мастакі вельмі хочуць паехаць паглядзець Падляшша, Белавежу. Ладзім такія вандроўкі. Наведалі Гайнаўку і Бельск. А таксама карыстаемся тым, што ёсць побач. У Старым Ляўкове за хатамі, за вёскай знаходзіцца рака Нараўка. Вакол своеасаблівая прырода, і карыстаемся гэтым.
Сёння мастакі наведалі Беларускі музей у Гайнаўцы, пашпацыравалі па вуліцах Гайнаўкі і Бельска-Падляшскага, а таксама наведалі сядзібу вядомага папулярызатара беларускай культуры на Беласточчыне Дарафея Фіёніка.
Беларускае Радыё Рацыя
