22-га лістапада адбудзецца ўрачыстае адкрыццё інфармацыйных шыльдаў каля месца размяшчэння сядзібы роду Каліноўскіх. На месцы нараджэння Кастуся Вінцэнта Каліноўскага – аднаго з кіраўнікоў паўстання 1863 года – усталяваныя дзве шыльды.
Адна – з візуалізацыяй відарыса рэканструкцыі сядзібы ХІХ ст. роду Каліноўскіх. Другая – з кароткай гістарычнай даведкай і планам сядзібнага комплексу.
Урачыстасць адбудзецца на месцы былога сядзібнага комплекс ў вёсцы Мастаўляны, гміна Міхалова, Падляшскае ваяводства.
Агульны збор удзельнікаў і гасцей а 12-й ля помніка Кастусю Каліноўскаму ў цэнтры Мастаўлянаў. Затым удзельнікі пройдуць 450 метраў на месца сядзібы Каліноўскіх, дзе адбудзецца ўрачыстасць адкрыцця шыльдаў.
У праграме:
- ганаровая паўстанцкая варта ад клуба Invictus 1863;
- асвячэнне і супольная малітва;
- прамовы і выступы гасцей.
Прачытай, прыязджай і другому перадай!
Арганізатары
