Польскія памежнікі за выхадныя дні зафіксавалі каля 380 спроб парушэння мяжы мігрантамі з боку Беларусі. У пятніцу іх было больш за 90, у суботу – больш за 180, а ў нядзелю каля 10.
Мігранты спрабавалі фарсіраваць пагранічныя рэкі Валкушанку, Свіслач, Істачанку, а таксама Аўгустоўскі канал. Апошняя водная артэрыя, якая калісьці была трансгранічным турыстычным маршрутам, у зводкі польскіх пагранічнікаў трапляе нячаста. Не абышлося і без інцыдэнтаў. На ўчастках дзвюх застаў мігранты, знаходзячыся па беларускім баку, закідвалі польскія патрулі камянямі і палкамі. У выніку быў пашкоджаны аўтамабіль польскіх памежнікаў.
Беларускае Радыё Рацыя
