BY
PL
EN

Беларускае Радыё Рацыя. 98,1 FM – Беласток, Гародня. 99,2 FM – Берасце

Радыё ONLINE

Мінадукацыі Польшчы прэзентавала праграму “Зялёныя школы”

Міністэрства адукацыі Польшчы прэзентавала праграму “Зялёныя школы”, скіраваную на дзяцей з раёнаў, пацярпелых ад паводкі. Гэта будуць бясплатныя выезды ў бяспечныя месцы з псіхалагічнай падтрымкай і правядзеннем адукацыйных заняткаў.

Паводка, якая абрынулася на поўдзень і захад Польшчы, таксама закранула дзяцей, якім цяпер патрэбная псіхалагічная дапамога і надзейны прытулак – лічыць міністр адукацыі Польшчы Барбара Навацка:

– Мы гатовыя прыняць усіх дзяцей, якія будуць патрабаваць дапамогі. Канешне, чым больш гэтых заявак, тым больш патрэбаў мы зможам запэўніць. Мы гатовыя дапамагчы ўсім ахвярам паводкі, як найхутчэй і найспраўней. На пятніцу колькасць закрытых адукацыйных пляцовак складае 431.

На тэрыторыі, ахопленай паводкай, закрыта больш за 200 устаноў адукацыі. Многія з іх пацярпелі ад стыхіі і патрабуюць неадкладнага рамонту. Міністэрства адукацыі дзеля дапамогі і каардынацыі дзеянняў запусціла інтэрнэт – платформу “Школы – школам”.

Беларускае Радыё Рацыя