Курсы беларускай мовы “МОВА НАНОВА” у Беластоку запрашаюць на сустрэчу з філолагам і кіраўніцай хаба “Новая Зямля” Надзеяй Салаўёвай. Разам з госцяй удзельнікі абмяркуюць цікавыя паралелі паміж беларускай і ангельскай мовамі, а таксама разгледзяць, як англіцызмы даўно праніклі ў паўсядзённае маўленне беларусаў.
Кажа Надзея Салаўёва:
–Будзе ў нас першы занятак “Мовы Нанова” у новым памяшканні. Тэма “Сувязь ангельскай і беларускай моваў”. Мне заўсёды падабалася гэтая тэма, таму што гэта мая прафесія. Шмат, аказваецца, запазычаных слоў мы ўжываем ў беларускай мове ангельскага паходжання. Прыходзьце на заняткі і мы ўсё распавядзем!
Занятак пройдзе 10-га сакавіка а 19-й у Беларускім хабе “Новая Зямля”, які нядаўна змяніў адрас і пераехаў на вуліцу Św.Rocha 5. Уваход вольны, данаты для падтрымкі курсаў “МОВА НАНОВА” вітаюцца.
Адрас: Беларускі хаб «Новая Зямля» (Św.Rocha 5/32, уваход злева ад аркі, 2 паверх).
Цалкам гутарка:
Беларускае Радыё Рацыя
