Ці пакутуе ад расейскіх прылётаў Адэса? Наколькі часта там гучаць паветраныя трывогі? Ці пачаўся тут сёлета турыстычны сезон? Над такімі пытаннямі разважала ўкраінская медыятарка Іна Цярэшчанка, якая жыве ў Адэскай вобласці.
Ілюстрацыйнае фота
– Я зараз у Адэсе, як і была раней. Адэса стала за апошнія месяцы вялікай цэллю. Былі такія тыдні, калі кожны дзень прылятала, у тым ліку балістычныя ранеты. Раней было трохі лягчэй. Дроны былі, ракеты збівалі. А гэтая балістыка нясе вялікую пагрозу, таму што, па-першае, яна прылятае з Крыму дзесьці за дзве з паловай хвіліны, гэта вельмі хутка, не заўсёды паспяваюць спрацаваць наша СПА. І гэта, канешне, уплывае на жыццё горада. Быў такі выпадак, што ракета патрапіла ў індыйскі завод. Было гэта дзіўна і нечакана, бо, як мы ведаем, у Расеі з Індыяй добрыя гандлёвыя адносіны, але вось патрапілі балістыкай у іх завод.
РР: А што кажуць пра магчымы расейскі наступ на Адэсу? Будзе гэтым летам, ці не будзе?
– Я не сказала яшчэ галоўнага. У нас ад гэтых прылётаў загінула шмат людзей. Яны ў балістыку дадаюць шрапнэль, таму разлёт асколкаў бывае на паўтара кіламетра. Раней ракета патрапляла ў будынак і гінулі людзі ў ім, а цяпер яшчэ тыя людзі, якія навокал.
– Пра наступ. Мне здаецца, можна пасміхацца, калі кажуць, што Адэса – гэта расейскі горад. Калі яны не змаглі арганізаваць наступ у 2022 годзе, то цяпер шансаў увогуле няма. У 2022 годзе можна было прыйсці на пляж і пабачыць на рэйдзе расейскія караблі. А зараз яны хаваюцца за паўвостраў. То цяпер мы ні з якога боку не чакаем.
Цалкам размова:
Паўнамаштабная вайна ва Украіне доўжыцца звыш 2 гадоў і 3 месяцаў. У апошнія тыдні ідзе расейскі наступ у Харкаўскай вобласці.
Беларускае Радыё Рацыя
