Міністэрства замежных спраў Літвы пацвердзіла факт затрымання літоўскага грамадзяніна ў Беларусі пры спробе ўвозу боепрыпасаў у Беларусь. Па словах прадстаўніка МЗС Паўліны Лявіцкіце, затрыманы не звяртаўся па консульскую дапамогу.
«МЗС у курсе і літоўская паліцыя апавешчаная. Грамадзянін па консульскую дапамогу не звяртаўся», — заявіла Лявіцкіце агенцтву Elta.
Нагадаем, Дзяржаўны мытны камітэт Беларусі паведаміў аб затрыманні грамадзяніна Літвы 6 лістапада. ДМК заяўляе, што літовец спрабаваў увезці ў Беларусь 34 баявыя патроны калібру дзевяць міліметраў.
Беларускае Радыё Рацыя
