Пасля аб´яўлення Рэспублікай Беларусь бязвізу для 35 еўрапейскіх краін, на беларуска-расейскай мяжы на пераходзе “Лабок” узніклі вялікія чэргі. Расейскі бок распачаў праверку дакументаў і грузаў.
Трэба стаяць у чарзе трое сутак, але не факт, што пройдзеш за гэты час, расказаў беларус Андрэй, які на дадзены момант стаіць у чарзе:
-У чарзе аддзяляюць хутка, правяраюць усіх. Беларускі пашпарт і расейскі пашпарт праязджаюць адразу, а з усімі астатнімі пашпартамі – пашпартны кантроль. Чарга кіламетровая. Увялі бязвіз, з расейцамі не ўзгаднілі. Вось вам і падаруначак – кантроль на мяжы.
Паводле Андрэя, вадзіцелі фур засмучаны вялікімі цяжкасцямі ў іх працы, якія ўзніклі пры перасячэнні межаў з усіх бакоў.
Беларускае Радыё Рацыя
