На беларуска-польскай мяжы перад пунктам пропуску «Брэст» з 30 верасня праводзіцца эксперымент, мэтай якога з’яўляецца палягчэнне чакання ў чарзе для кіроўцаў легкавых аўтамабіляў, паведамляецца на сайце «Белмытсэрвісу».
Асноўная ідэя эксперыменту — у змяненні парадку функцыянавання сістэмы электроннай чаргі транспартных сродкаў перад аўтамабільным пунктам пропуску «Брэст». Кіроўцы легкавых аўтамабіляў пасля рэгістрацыі ў чарзе змогуць не толькі застацца ў ёй, але і адправіцца ў зручнае для сябе месца. Напрыклад, яны могуць паехаць дадому, наведаць Берасце ці правесці час у гатэлі. Адсочваць рух чаргі можна на сайце «Белмытсэрвісу».
Беларускае Радыё Рацыя
