На мяжы Беларусі з Еўропай утварыліся значныя чэргі праз падрыхтоўку да навагодніх святаў. Асабліва складаная сітуацыя назіраецца на пераходах з Польшчай. Па апошніх дадзеных, чарга з легкавікоў на ўезд у Беларусь з польскага боку дасягнула амаль 10 кіламетраў.
Людзі паведамляюць, што рух ідзе вельмі павольна. Некаторым кіроўцам, якія сталі ў калейку, давядзецца чакаць больш за трое сутак. Пасажыры і кіроўцы дзеляцца ўражаннямі ў чатах, дзе паведамляюць, што за суткі яны могуць пераадолець толькі палову шляху да пагранпераходу. Сітуацыя патрабуе цярпення і разумення, бо нагрузка на пункты пропуску значна павялічылася.
Беларускае Радыё Рацыя
Фота: t.me/granica_bypl
