31 кастрычніка на тэрыторыі Падляшскага музея народнай культуры (Podlaskie Muzeum Kultury Ludowej) пачне працаваць унікальны светлавы праект — “Зачараваны Скансэн”.
Ён створаны сумесна з Lumina Park і ўключае больш за 150 светлавых і інтэрактыўных інсталяцый.
Кажа дырэктарка Падляшскага музея народнай культуры Катажына Анціпюк:
– Сардэчна запрашаем. Бо тыя ўсе адметнасці і цікавосткі, якія можа пабачыць у нашым музеі, калі яны будуць асветлены ў цёмную пару, набудуць асаблівую прыгажосць.
Па словах Анціпюк, светлавыя і інтэрактыўныя інсталяцыі гарманічна ўпісаныя ў музейны ландшафт і дазволяць пабачыць прыгажосць драўляных экспанатаў — хат, капліц, ветракоў і гаспадарчых пабудоў, сабраных з розных куткоў рэгіёна. Светлавы праект — “Зачараваны Скансэн” — будзе працаваць на тэрыторыі музея да канца лютага 2026 года.
Цалкам матэрыял:
Беларускае Радыё Рацыя
