Летам 2025 года на Падляшшы у Белавежскай пушчы адбудзецца летнік для дзяцей палітвязняў.
Пра ідэю стварэння летніка для беларускіх дзетак распавядае ініцыятарка праекта Марыя Грыц:
-Гэта будзе летнік не толькі для дзяцей палітзняволеных, а для любых беларускіх дзетак, але натуральна, я раблю акцэнт на сем’і, у якіх альбо хтосьці цяпер у зняволенні, альбо мае такі досвед. Гэта будзе летнік на Падляшшы каля Белавежскай пушчы.
Па словах Марыі Грыц, у летніку будзе даволі разнастайная праграма:
-З такім беларускім экалагічным ухілам. У нас будзе вельмі цікавая праграма, да нас прыедуць рэканструктары Паўстання Каліноўскага, прыедзе мастачка, якая будзе распавядаць пра беларускія міфы і вучыць дзетак маляваць. Таксама да нас прыедзе ўнікальны чалавек, бортнік, які падтрымлівае традыцыю бортніцтва.
Летнік будзе праходзіць у вёсцы Цераміскі побач з Белавежскай пушчай. І чакаецца, што будзе тры змены, дзе прымуць удзел дзеці ва ўзросце ад 12 да 18 гадоў.
Цалкам гутарка:
Беларускае Радыё Рацыя
