У арт-рэзідэнцыі фонда МохнАРТэ, што месціцца ў вёсцы Махнатае на Гайнаўшчыне, прайшла прэзентацыя фільма «Сізіф з Менску» пра ўнікальнага беларускага спецыяліста ў майстэрстве літаграфіі – Дзмітрыя Малаткова.
Гаворыць яго вучаніца і адна з гераінь фільма – польская візуальная мастачка беларускага паходжання Малгажата Дмітрук:
– Дзмітрый Малаткоў быў для мяне прафесарам, майстрам, сябрам, чалавекам вельмі блізкім, якога я вельмі шанавала, любіла з ім сустракацца. Заўсёды, калі тэлефанавала яму і пыталася, ці магу прыехаць да яго папрацаваць, то ён заўсёды згаджаўся і шукаў для мяне каменьчыкі, каб на іх памаляваць.
Рэжысёр фільма «Сізіф з Менску» Вальдэмар Янда:
– Другі раз паказваем публічна Мы захоўваем пра яго светлую памяць, таму што ён быў прафесіяналам. Ён заслугоўвае такой светлай памяці.
Таксама падчас прэзентацыі фільма «Сізіф з Менску» і дыскусіі пра яго, была прэзентаваная выстава цыкла графічных малюнкаў Малгажаты Дмітрук «Камбінат», прысвечанага паўсядзённасці менскага жыцця легендарнай майстэрні Дзмітрыя Малаткова.
Цалкам матэрыял:
Юрась Дзяшук, Беларускае Радыё Рацыя
