Міністэрства нацыянальнай абароны Польшчы падрыхтавала законапраект па праграме «Шчыт Усход», у якім прадугледжваецца магчымасць экспрапрыяцыі, і перавод лясоў у падпарадкаванне Мінабароны.
Як піша bialystok.wyborcza.pl, новыя правілы прадугледжваюць, сярод іншага: магчымасць экспрапрыяцыі нерухомасці за кампенсацыю. «Асноўнай мэтай распрацоўкі праекта з’яўляецца надзённая неабходнасць спрашчэння і ўдасканалення інвестыцыйна-будаўнічага працэсу пры падрыхтоўцы і рэалізацыі стратэгічных інвестыцый, звязаных з абаронай дзяржавы, што з улікам цяперашняй геапалітычнай сітуацыі павінна быць прыярытэтным для ўсіх органаў дзяржаўнага кіравання», — чытаем у абгрунтаванні Мінабароны да праекта.
Палі і лясы, на якія распаўсюджваецца рашэнне аб дазволе стратэгічнай інвестыцыі, будуць выключаны з палажэнняў аб ахове.
