Палякі правялі канферэнцыю ў Варшаве, на якой разгледзелі пытанні інтэграцыі вялікай колькасці мігрантаў з усходу, якія апынуліся ў іх краіне. Многа студэнтаў з усходу атрымлівае адукацыю ў Польшчы. Таму на канферэнцыі было абмеркаванне адукацыі і рынку працы для беларусаў, украінцаў і рускіх менавіта тут, на польскай зямлі.
Гаворыць прысутны на канферэнцыі гісторык, сябра партыі Беларускай хрысціянскай дэмакратыі Яўген Дудкін:
– Адбылася канферэнцыя, прысвечаная студэнтам з Усходу на польскім рынку працы. Арганізатарамі былі як розныя міністэрствы польскага ўраду, так і студыі ўсходняй Варшаўскага ўніверсітэта. Былі ўзнятыя вельмі важныя пытанні. Гэта ўспрыманне польскім грамадствам працаўнікоў з Усходу, то бок з Беларусі і Украіны.
Паводле Яўгена Дудкіна, палякі ідуць насустрач усходнім суседзям, будуць створаны новыя магчымасці для спецыялістаў з усходу.
Больш пра пытанні інтэграцыі і асіміляцыі беларусаў у Польшчы можна даведацца з публіцыстычнай перадачы «Мы бачым», якая прагучыць сёння, 27 снежня, у 20.30 па польскім часе, па беларускім – на дзве гадзіны пазней.
Цалкам матэрыял слухайце ў далучаным файле:
Беларускае Радыё Рацыя
