З паломніцтвам у Зверкі адправілася з Беластока галоўным чынам моладзь на цырымонію ў гонар святога мучаніка дзіцяткі Гаўрыіла – заступніка дзяцей і моладзі.
Паломнікі павінны пераадолець больш за 10 км. Кіроўцы мусяць улічваць цяжкасці на маршруце Беласток – Заблудаў, менавіта на ўчастку да вёскі Зверкі.
Кажуць паломнікі:
-Хачу падзякаваць святому за дапамогу і яшчэ папрасіць дапамагчы сабе і блізкім.
-Папрасіць дапамогі перад экзаменамі.
-Святы Гаўрыіл – патрон наш. І ідзём да яго, каб даў нам і нашым родным здароўе.
Святы Гаўрыіл жыў у канцы XVII ст. Праваслаўная Царква кананізавала яго ў 1820 годзе. У гонар святога Гаўрыіла ў Зверках былі пабудаваны праваслаўная царква і жаночы манастыр. Тут у 17 гадзінаў пачнуцца галоўныя малітоўныя ўрачыстасці ў гонар Святога мучаніка дзіцяткі Гаўрыіла.
Беларускае Радыё Рацыя
