Польшча рыхтуецца замініраваць участкі мяжы з Беларуссю і Расеяй у рамках праграмы ўмацавання ўсходніх межаў “Шчыт Усход”.
Пра гэта заявіў на прэс-канферэнцыі ў Варшаве начальнік Генеральнага штаба Войска Польскага Веслаў Кукула. Паводле яго слоў, мініраванне мяжы магчымае толькі ў тым выпадку, калі Варшава будзе “абсалютна ўпэўненая, што вайна непазбежная”.
З нагоды мініравання ўсходняй мяжы зрабіў заяву і экс-прэм’ер міністр Матэвуш Маравецкі, які адзначыў магчымасць скасавання Атаўскае дамовы аб забароне супрацьпяхотных мін. Ён звярнуў увагу, што мінныя палі дапамаглі Расеі “вельмі эфектыўна” абараніцца падчас украінскага контрнаступу.
Беларускае Радыё Рацыя
