У Польшчы сёння ўступіла ў сілу пастанова аб падаўжэнні часовага памежнага кантролю з Германіяй і Літвой, паведамляе polskieradio.pl.
Пастанова падаўжае кантроль на шэсць месяцаў да 4 красавіка 2026 года. Яе падпісаў міністр унутраных спраў і адміністрацыі Марцін Кервінскі. «Мы падаўжаем праверкі для маніторынгу міграцыйнага маршруту, які вядзе з краін Балтыі праз Польшчу ў Заходнюю Еўропу. Мы ловім асоб, якія незаконна спрабуюць пераправіць мігрантаў на Захад. Захаванне цэласнасці мяжы з Беларуссю і яе абарона ад міграцыйнага ціску застаецца ключавой задачай для Памежнай аховы», – сказаў Кервінскі.
Польскі прэм’ер Дональд Туск заявіў, што Польшча будзе працягваць выкарыстоўваць гэтую меру для прадухілення вяртання мігрантаў у Польшчу.
