Польшча скараціла выдачу студэнцкіх віз на фоне візавага скандалу, які выліўся летась. МЗС узмацніў жорсткасць патрабавання да праверак заяўнікаў. Пра гэта піша Rzeczpospolita.
Паводле інфармацыі выдання, з пачатку года па 31 жніўня замежнікі падалі 13 207 заяў на атрыманне візы. Адмовы атрымалі каля 5 тысяч чалавек. Было выдадзена 8,2 тыс. візаў. Найбольш іх атрымалі беларусы і ўкраінцы. Для параўнання газета прыводзіць дадзеныя за мінулыя гады. У 2019 і 2021-22 гадах выдавалася больш за 30 тысяч студэнцкіх віз, а ў мінулым годзе была выдадзена 21 тысяч. Адмовы атрымалі больш за 6,3 тысяч прэтэндэнтаў.
У гэтым годзе адмовы атрымалі ў асноўным патэнцыйныя студэнты з краін Афрыкі і Азіі.
