Мантаж электроннай загароды на польска-беларускай мяжы на ўчастках рэк Істачанка і Свіслач у Падляшскім ваяводстве завершаны. Пра гэта паведамляе Памежная служба Польшчы.
Агулам на гэтым участку мяжы ўсталявалі больш за 500 слупоў і 1300 камераў назірання. Пабудаваць электронную загароду вырашылі ў сувязі са шматлікімі спробамі перасячэння польска-беларускай мяжы праз памежныя рэкі. Кошт загароды склаў больш за 85 мільёнаў злотых (то бок, каля 20 млн еўра).
