Польскі жаўнер учыніў суіцыд у Падляшскім ваяводстве ля мяжы з Беларуссю. Трагедыя здарылася ў ноч з 1 на 2 лютага. Пра гэта паведамляе Аператыўнае камандаванне Узброеных сіл Польшчы.
«З глыбокім шкадаваннем паведамляем вам, што ўначы ў раёне правядзення аперацыі «Бяспечнае Падляшша» адбылося самагубства аднаго вайскоўца. Абставіны трагічнага інцыдэнту расследуюцца ваеннай паліцыяй пад наглядам пракуратуры. Сям’і і сваякам загінулага жаўнера аказана псіхалагічная дапамога», – гаворыцца ў паведамленні, апублікаваным у X.
1 жніўня мінулага года Польшча пачала аперацыю “Бяспечнае Падляшша”, у рамках якой войска дапамагае памежнікам і паліцыі ў ахове мяжы.
Беларускае Радыё Рацыя
Фота ілюстрацыйнае
