Памежная ахова Польшчы заявіла пра спыненне спробы парушэння мяжы групай з больш як 220 мігрантаў з боку Беларусі. Інцыдэнт адбыўся сёння каля 10 раніцы, у зоне адказнасці заставы ў Белавежы. Па інфармацыі польскіх памежнікаў, спроба сілавога парушэння мяжы была зроблена на рацэ Пшэвлока.
«Іншаземцы былі вельмі агрэсіўныя: кідалі кавалкі дрэў і камяні ў кірунку патруля Памежнай аховы і польскага войска, каб пракласці сабе дарогу на захад Еўропы. Падчас інцыдэнту ў іншаземцаў былі адабраныя небяспечныя прадметы, зробленыя з дрэва і цвікоў», – распавялі ў Памежнай ахове.
Спроба прарыву была спынена. Мігранты вярнуліся ўглыб беларускай тэрыторыі. Польскія памежнікі таксама апублікавалі відэа.
Беларускае Радыё Рацыя
