Супрацоўнікі Памежнай службы Польшчы з заставы «Славатычы» ў Люблінскім ваяводстве спынілі спробу парушэння мяжы. 17 мігрантаў з Афганістана і Пакістана пераплылі Буг і нелегальна перасеклі беларуска-польскую мяжу. Іншаземцы прызналіся ў нелегальным пераходзе і заявілі, што іх мэтай было трапіць на захад Еўропы.
Таксама былі затрыманыя два ўкраінцы, якія дапамагалі ў пераходзе мяжы. Як піша polskieradio.pl, нелегальных мігрантаў, згодна з міжнароднай працэдурай, адправілі назад у Беларусь. Затрыманым грамадзянам Украіны пагражае да 8 гадоў пазбаўлення волі за арганізацыю незаконнага перасячэння мяжы.
