Пісьменнікі з Беларусі, Літвы і Украіны змогуць трапіць у рэзідэнцыю ў Белавежскай пушчы.
Арганізатары прапануюць творчую стыпендыю для літаратараў. Пяць удзельнікаў змогуць правесці час з 7 па 21 сакавіка ва ўрочышчы Грушкі, што на ўскрайку Белавежскай пушчы.
Мэта рэзідэнцыі — стварыць умовы для творчасці і наладжвання прафесійных сувязяў. «Мы хочам, каб у сядзібе паэт сустрэў перакладчыка, каб аўтары маглі абмяркоўваць свае ідэі і працы ў атмасферы спакою і натхнення», — адзначаюць арганізатары.
Падаць заяўку можна да 31 студзеня.
