29 красавіка беларусы праваслаўнай веры адзначаюць Радуніцу — дзень памінання памерлых.
Традыцыя, якая сыходзіць каранямі яшчэ ў дахрысціянскія часы, жыве і за межамі Беларусі. Прадстаўнікі беларускай дыяспары на Падляшшы распавялі, як яны захоўваюць старажытныя звычаі нават далёка ад радзімы:
– Звычайна ў царкве падаю запіску, замаўляю паніхіду. Увечары звычайна памінальная куцця бывае на Радаўніцу.
– Ездзілі і прыбіраліся магілы. Пасядзелі побач.
– Там, дзе мы, там і памяць. Што можна зрабіць? Можна сабрацца са сваімі сябрамі ці родзічамі, якія тут ёсць побач з вамі. Памаліцца, калі вы веруючы чалавек. Схадзіць у касцёл, ці царкву. Зрабіць застолле, запаліць свечку.
На Падляшшы, як і ў Беларусі, прынята напярэдадні свята прыбіраць магілы, а на саму Радуніцу некаторыя накрываць сімвалічны памінальны стол. Абавязкова прысутнічае пустая талерка — для душ памерлых сваякоў.
Цалкам матэрыял:
Беларускае Радыё Рацыя
