Вяшчанне на беларускай мове ад 14 сакавіка часова спыніла Радыё Ўнэт. Прычына – адсутнасць інфармацыі пра фінансаванне на бягучы год з боку Міністэрства замежных спраў Польшчы. Рэдакцыя называе такую сітуацыю вымушаным адпачынкам і выбачаецца перад слухачамі, – адзначыла галоўны рэдактар Радыё Ўнэт Вольга Сямашка:
– Як мы ведаем, пасля кейсу “Белсату” з’явілася, што бюджэт быў зацверджаны, ён апублікаваны. З ім можа пазнаёміцца любы жадаючы. Фактычна пасля з’яўлення гэтага дакументу, мы разлічвалі, што нам у сціслы тэрмін будзе дадзены адказ: будзе працягнута фінансаванне нашага праекту ці не будзе. Мы чакалі панядзелак, аўторак, сераду. Мы звязваліся з Міністэрствам замежных спраў, але канкрэтнага адказу на гэтае пытанне не атрымалі.
Да моманту атрымання інфармацыі пра фінансавання на хвалях радыё Ўнэт будзе граць беларуская музыка, а таксама змешчаны камунікат па сітуацыі, якая склалася.
Беларускае Радыё Рацыя
