Расейскі вайсковец кінуў гранату ў штаб, дзе спалі расейскія захопнікі з падраздзялення “Шторм Z”, каб перайсці на бок Украіны, паведамляе unian.net.
Пра гэта паведаміла Галоўнае ўпраўленне разведкі (ГУР) Мінабароны ў сацсетцы.
“У выніку паспяховай аперацыі праекта “Хачу жыць” і Легіёна “Свабода Расеі” пад назвай “Камыш” ваеннаслужачы расейскай арміі падарваў штаб афіцэраў батальёна “Шторм Z” і перайшоў на бок Украіны”, – гаворыцца ў паведамленні.
У прыватнасці, паводле звестак разведкі, зімой расейскі пілот FPV з пазыўным “Сільвер” выйшаў на сувязь з Легіёнам “Свабода Расеі” і выказаў жаданне пайсці на супрацоўніцтва з Украінай. Ён растлумачыў, што да гэтага яго заахвоцілі сістэматычныя ваенныя і іншыя злачынствы яго камандавання, уключаючы пазасудовыя пакаранні смерцю, збіццё і паборы.
Як расказвае «Сільвер», дэталі аперацыі па ліквідацыі камандзіра ён абмяркоўваў з украінскім бокам.
У выніку было вырашана, што ён кіне гранату праз вентыляцыйную адтуліну, што выходзіць у падвал і знаходзіцца над ложкам, дзе спаў камбат. Сам баец сцвярджае, што ў памяшканні на момант узрыву знаходзілася каля 15 чалавек.
Пасля гэтага «Сільвер» па прадуманаму маршруту перайшоў на тэрыторыю Украіны. Цяпер ён сярод рэкрутаў Легіёна «Свабода Расеі».
