У грузінскім Батумі 15 верасня распачнецца навучальны год у школцы, якая адзіная на ўвесь Каўказ вядзе навучанне па-беларуску.
Пра колькасць вучняў школкі распавядае заснавальніца гэтай навучальнай ўстановы Аксана Акуневіч:
-Фактычна, магчыма праз тое, што я была доўга ў Польшчы, і пачалася нейкая піяр-кампанія, што я з’ехала, мяне ў Грузію не пусцілі, то новых вучняў у нас не дадалося. А ўсе нашыя засталіся, толькі двое вярнуліся ў Беларусь. Засталося 22 вучні – усе беларусы.
Па словах Аксаны Акуневіч, у школцы навучанне будзе з першага па дзясяты клас:
-Сёлета мы дакладна ведаем, што набраліся вучні з 1 па 10 класы. Яшчэ адзін хлопчык, магчыма, пойдзе ў 11 клас.
Школка ў Батумі – платная, навучанне каштуе 300 еўра ў месяц, аднак гэтыя грошы ідуць толькі на заробак настаўнікаў і нават не пакрываюць арэнды памшкання. Таму Аксана шукае дадатковага фінансавання на школу, але на «Грузію і грузінскіх беларусаў ніхто зараз не дае грошы».
Беларускае Радыё Рацыя
