Гміна Нарва запрашае ў суботу 10-га траўня на ўнікальнае свята ў стылі PRL і класічнай матырызацыі. Атмасфера мінулага стагоддзя напоўніць вуліцы рэтра-гукамі, музыкай і вінтажным настроем.
Кажа дырэктар Нарвянскага асяродка культуры Агата Смактуновіч:
– Будуць старыя аўтамабілі, матацыклы, старыя фота, дзе можна пабачыць як жылі нараўляне, як выглядалі калісьці і як выглядаюць сёння. Будуць розныя конкурсы для малодшых і для старэйшых, будуць канцэрты. Запрашаем!
Свята праходзіць пры падтрымцы войта гміны Нараў і пад ганаровым патранатам Міністра па справах Еўразвязу падчас польскага старшынства ў Радзе ЕЗ. Стратэгічны партнёр – Падляшскае ваяводства. Пачатак а 10-й на цэнтральнай плошчы Нарвы.
Цалкам матэрыял слухайце ў далучаным файле:
Беларускае Радыё Рацыя
Фота Радыё Рацыя і NOK
