З 2024 года ў грузінскім Батумі распачала сваю дзейнасць арганізацыя беларускіх нацыяналістаў «РУХ».
Пра гісторыю стварэння гэтай арганізацыі распавядае яе стваральнік Ян:
– У Батумі філія з’явілася з маім прыездам фактычна. Проста калі нешта атрымліваецца, калі знаходзяцца людзі, якіх можна арганізаваць, тады праводзім. Пакуль што ў асноўным культурніцкія, плануем спартыўныя мерапрыемствы правесці. Магчыма, будзем далей арганізоўваць акцыі. Паспрабуем больш масавыя акцыі правесці.
Па словах Яна, прадстаўнікі арганізацыі плануюць супрацу таксама і з ужо існуючымі арганізацыямі Батумі, такімі як «Беларуская дыяспара Аджарыі»:
– Асабіста я кантактую, я знаёмы з кіраўніком гэтай арганізацыі, але пакуль такой блізкай супрацы не было, але я спадзяюся, што будзе. Мы гатовыя супрацоўнічаць з усімі людзьмі, для якіх Беларусь – гэта не пусты гук.
Ян упэўнены, што арганізацыя, якая дзейнічае зараз толькі ў Тбілісі ды Батумі, таксама цягам бліжэйшага году пашырыць сваю дзейнасць і па іншых грузінскіх гарадах, дзе існуе беларуская дыяспара.
Беларускае Радыё Рацыя
Фота: Shutterstock
