Сітуацыя на мяжы з Еўрапейскім Звязам для беларусаў не стала лепшай. Чэргі не змяншаюцца. Умовы правозу тавару пагаршаюцца. Бізнес па продажы месцаў у чэргах квітнее.
Па словах сведкаў, продаж чаргі даходзіць да 200 даляраў. Але гэта не спыняе тых, хто хоча трапіць на той ці іншы бок. Гавораць людзі ў пункце пропуску Цярэспаль-Берасце:
-Усяго 20 гадзін. Я буду стаяць, колькі давядзецца. Я на расейскіх нумарах. Я сюды не вярнуся. Закрылі шмат памежных пераходаў, таму людзі ў асноўным едуць сюды. Верагодна, ёсць нейкія абмежаванні тавараабароту, таму людзі з Беларусі сюды едуць закупляцца і вяртаюцца назад.
-Па польскім часе ў 6.30 стаў.
РР: А ў колькі будзеце дома?
-Не ведаю. Кажуць – суткі.
-Мы, відаць, нікуды не паедзем. Польскія ўлады што зрабілі? Беставарны ўезд.
У пункце пропуску Берасце-Цярэспаль чакаюць на выезд у Польшчу каля 400 легкавікоў і больш за 60 аўтобусаў.
Беларускае Радыё Рацыя
