Сталі вядомы лаўрэаты Прэміі імя князя Канстанціна Астрожскага за 2024 г., яны ўзнагароджаны рэдакцыяй «Przeglądu Prawosławnego».
Сёлета журы вызначыла двух пераможцаў і тры ўстановы, у тым ліку з Беласточчыны – кажа Яўген Чыквін, галоўны рэдактар “Przeglądu Prawosławnego” і старшыня журы.
Фонд Oikonomos і Супраская акадэмія атрымалі ўзнагароду за вельмі актыўную дзейнасць, правядзенне шматлікіх навуковых канферэнцый і мерапрыемстваў для дзяцей. Таксама ўзнагародзілі манастыр і выдавецтва ў Джорданвіле ў ЗША, тут выдалі больш за 500 кніг. Адзначылі і Праваслаўнае брацтва Трох Іерархаў з Беластока, якое ўзнагародзілі за дабрачынную і выдавецкую дзейнасць, — гаворыць Яўген Чыквін.
Сярод пераможцаў таксама святар з Менску і навуковец з Універсітэта Зялёнай Гуры.
Айцец Ежы Латушка, пробашч парафіі св. Пятра й Паўла ў Менску вядзе дзейнасць, каб паўставалі царкоўныя брацтвы і вяліся набажэнствы па-беларуску, і ўзначальвае камісію па перакладзе Святога Пісьма. Адзін з пераможцаў таксама праф. Стэфан Дудра з Зялёна-Гурскага ўніверсітэта быў узнагароджаны за працу, прысвечаную даследаванню гісторыі праваслаўнай царквы і меншасцяў у Польшчы – дадае Яўген Чыквін.
Узнагароды князя Астрожскага ўручаюцца ўжо 35-ы раз і ўручаюцца асобам і ўстановам за выдатныя дасягненні ў галіне духоўнасці, думкі і праваслаўнай культуры, а таксама дзейнасць на карысць адзінства хрысціян.
Паводле Radia Białystok
