На Падляшшы стартаваў трэці этап конкурсу супрацоўніцтва бізнеса і навукі – “Масты будучыні”.
Віцэ-маршалак Падляшскага ваяводства Марэк Маліноўскі заклікаў усіх жадаючых да ўдзелу ў конкурсе:
-Нам, як кіраўніцтву Падляшскага ваяводства, вельмі важна, каб нашае ваяводства развівалася. І таму вельмі падтрэбная супраца бізнесу і навукі, і дадаў бы яшчэ – мясцовага самакіравання.
Намеснік прэзідэнта арганізатара конкурса – фонда “Тэхнаталенты” Томаш Стыпулкоўскі запэўніў, што ўдзел у конкурсе могуць прыняць беларускія прадпрымальнікі, арганізацыі і навукоўцы, якія працуюць і пражываюць на Падляшшы:
– Адная з асноўных умоваў – каб адзін з бакоў гэтай супрацы быў размешчаны ў нашым рэгіёне.
У межах конкурса прадпрымальнікі і навукоўцы з 21 кастрычніка па 20 снежня могуць зарэгістраваць свае кампаніі, навуковыя ўстановы ці індывідуальныя заяўкі ды апісаць, як яны супрацоўнічаюць з навукай ці бізнесам.
Дадатковую інфармацыю пра конкурс і яго папярэднія этапы можна знайсці на сайце www.technotalenty.pl.
Цалкам матэрыял у далучаным гукавым файле:
Вольга Сямашка, Беларускае Радыё Рацыя
