У аўторак, 22 кастрычніка, у Варшаве ладзяць сустрэчу з гісторыкамі «Дзе ў Польшчы шукаць археалагічныя скарбы Заходняй Беларусі?»
Дата: 22 кастрычніка. Час: 18.00 (час мясцовы)
Месца: Witryna Domu Wschodniego, плошча Канстытуцыі, 6 (правае крыло), Варшава.
Археалагічныя скарбы Заходняй Беларусі, адкрытыя археолагамі ў міжваенны перыяд, калі гэта была частка тагачаснай Польшчы, — амаль недаследаваная старонка нашай супольнай гісторыі.
Іх няма ў Беларусі, але багата ў польскіх музеях.
Прынамсі, маленькая качка з Палесся, каменныя сякеры, рэзідэнцыя археолага тых часоў і шмат іншых цікавостак.
Пра нечаканыя вынікі тагачасных археалагічных экспедыцый, старажытныя стаянкі, першыя шахты і майстэрні на нашай зямлі, а таксама тагачасных археолагаў распавядуць даследчык гісторыі Уладзімір Шыпіла і археалагіня Вераніка Лебедзь, колішнія супрацоўнікі Інстытута Гісторыі НАН Беларусі.
Мадэратар — Сяржук Герасімовіч.
Уваход вольны.
Арганізатары
