У Гайнаўцы прайшоў ХІХ дэкламатарскі конкурс пад назвай «Паэзія крыніц — культурная спадчына нацыянальных меншасцяў у мастацкай літаратуры».
На сцэне мясцовага Дома культуры вершы дэкламавалі як дашкольнікі, так і моладзь з Гайнаўшчыны. Бацюшка Славамір Хвойка з Орлі падкрэсліў, што конкурс – гэта яшчэ адна прычына для таго, каб мы ўсхвалялі Бога:
-Узгадваецца мне адзін з конкурсаў, яшчэ жыў пакойны ўладыка Мірон. І ён сказаў такія словы, што вам трэба так падысці і перагледзець змест гэтых вершаў, каторыя дзеці гавораць, бо яны не маюць з рэлігіяй нічога агульнага. І сёння, калі я паслухаў гэтых дзяцей, у кожнага быў верш, які быў звязаны з верай, з Богам, з малітваю. І гэта цешыць.
Конкурс праводзіцца па благаславенні праваслаўнага Мітрапаліта Варшаўскага і ўсяе Польшчы Савы.
Цалкам матэрыял у далучаным гукавым файле:
Беларускае Радыё Рацыя
