На Усіхсвяцкіх могілках у Беластоку з’явіліся спецыяльныя шыльды на магілах выбітных беларускіх дзеячаў. Ініцыятыва стала часткай праекта па ахове і ўшанаванні беларускай культурнай спадчыны на Падляшшы.
Кажа ўдзельнік праекта, краязнаўца Аляксей Трубкін:
– На частку сумы, парафія нам пісала, удалося зрабіць шыльды з QR-кодамі, якія вядуць на сайт могілак. Там размешчана пашыраная інфармацыя на польскай і беларускай мовах, паабяцалі нам у канцылярыі могілак. Так што можна будзе перайсці па спасылцы, пачытаць і даведацца, што яны зрабілі і чым заслужаныя для беларускай справы. Гэта добры прыклад для нашай супольнасці, для нашай дыяспары.
Партнёрамі ініцыятывы выступілі Хаб «Новая Зямля» і фонд «Тутака». Таксама ўсе дадзеныя з шыльдаў у Беластоку будуць інтэграваныя ў праект MALDZIS — міжнародную ініцыятыву, якая аб’ядноўвае інфармацыю пра беларускіх дзеячаў па ўсім свеце.
Сродкі для рэалізацыі праекта былі сабраныя праз краўдфандынгавую платформу Gronka, якая падтрымлівае беларускія грамадскія ініцыятывы.
Цалкам матэрыял слухайце ў далучаным файле:
Беларускае Радыё Рацыя
