У сядзібе Беларускага Радыё Рацыя 28 ліпеня прайшла сустрэча з дэпутаткай Сэйму Аліцыяй Лапкоўскай-Голась. Гэта было спатканне з прадстаўнікамі беларускай нацыянальнай меншасці ў Польшчы.
На сустрэчы з дэпутаткай Сэйму прысутнічалі Старшыня ўправы Беларускага Радыё Рацыя Яўген Вапа, дырэктар Цэнтру Беларускай Культуры Анатоль Вап і яго намесніца Ілона Карпюк, прафесар Алег Латышонак, старшыня Праграмнай Рады ЦБК, дарадца Маршалка Падляшскага ваяводства Аляксандар Васылюк, Старшыня Фонду “Тутака” Павел Станкевіч, прадстаўнік Таварыства на карысць дзяцей і моладзі, што вывучае беларускую мову “АБ-БА” Пётр Мулярчык, журналіст і прадстаўнік беларускай меншасці Мікола Ваўранюк.
Найбольшая ўвага на сустрэчы была наданая праблемам беларускамоўнай адукацыі на Падляшшы. Гутарка ішла таксама пра іншыя праблемы развіцця беларускай культуры ў Польшчы. Аліцыя Лапкоўская-Голась пацвердзіла сваю гатоўнасць лабіраваць інтарэсы беларускай нацыянальнай меншасці Падляшша ў Сейме.
Цалкам матэрыял слухайце ў далучаным гукавым файле:
Беларускае Радыё Рацыя
