У беластоцкім «Арсенале» адбыўся падвойны вернісаж. На суд публікі былі прадстаўлены выстава паўднёваафрыканскага мастака Уільяма Кентрыджа «Я не я, і конь не мой», а таксама выстава мастачкі з Украіны Аляўціны Кахідзэ «Расліны і людзі».
Кажа Аляўціна Кахідзэ:
-Я паказала ўсё, што зрабіла цягам апошніх двух з паловай гадоў. Сядзела вельмі блізка да расейскіх танкаў у Кіеўскай вобласці каля Бучы, праца пра гэта. Потым праца пра маю сям’ю.
Выставу з элементамі відэаінсталяцыі паўднёваафрыканскага мастака Уільяма Кентрыджа прадставіла дырэктарка галерэі “Арсенал” Моніка Шэўчык.
Абедзве выставы даступныя для агляду да 25-га студзеня 2025 года ўключна. 7-га снежня па выставах будзе зладжана экскурсія на ўкраінскай мове, а 14-га снежня – на беларускай мове. Пачатак а 12-й.
Цалкам матэрыял слухайце ў далучаным гукавым файле:
Беларускае Радыё Рацыя
